اضرب يا باشا

جدع يا باشا ضربتنـــــى
من ضى عينى حرمتــنى
و نسيت يا باشا انى بطل
عمر الرصاص ما يهزنى
اضرب وركز فى النيشان
... ... افرح قوى انك جــــــــبان
صاحبك فى سينا راح شهيد
وانت بتتدارى فى حيطان
فكرك يا باشا انى بشوف
عشقى لبلادى بالعنيـــن ؟؟
وكلاب سعادتـك لو الوف
راح يمنعوا حلم السنين ؟؟
انا جيت هنا علشـــان بلد
وتار شهيد و دموع ابـوه
وحلم بكرة بيتــــــــولد
وطن حلفنا نرجعــــــوه
لو من عنيا النور خمــد
ملايين بدالى حيشوفوه
اضرب يا باشا اضرب كمان
و اطلق ديابتك فى الميـــدان
قبلك كلاب هاصـــــت نباح
واهى قاعده تبكى فى اللومان
اضرب كمان تسلم ايديــك
ملعون ابوك و اللى حاميك
ملايين فى مصر بيهتفــــوا
يا باشا اهوه .. اتفووووووووووووووووووه عليك
منقول

هوه من ناحية السجع حلو

بس الناس اللى فى الميدان همه اللى كلاب بصراحه

ربنا يهديهم او ياخدهم خلينا نرتاح ومصر تبقى احسن

وكمان الجامعات بتنظم مسيره يوميه تؤيدهم الحمد لله هيخربوها

يا استاذة اريج الناس الى فى الميدان الى انتى شتمتيهم دول بيموت منهم4 او 5 كل يوم فى سبيل انهم يجيبوا حقى وحقك وحق الراجل الى كاتب التوبيك وحق كل المصريين.
ولو فى حد هيتوصف بالكلاب فهما الشرطة وامن الدولة

بجد نو كومنت انا مش هشرح واقول الناس اللى فى التحرير دول نازلين ليه بس ازاى احنا كشعب بنطالب بالحريه والديمقراطيه واحنا اصلا فينا ناس تفكيرهم ديكتاتورى

يااستاذ نوتى مصر سكانها 85 مليون يعنى اكيد اللى فى التحرير مش رأى مصر كلها

وايه اللى وداهم قبل الانخابات مايصبروا شويه ولا حرام البلد تهدى

احنا شعب مش ينفع معانا الديموقراطية اصلا اما حقى فانا مش قولتلهم يجيبوه

والشرطه والجيش مات منهم كتير ربنا يغفر لهم يارب

انا ضد اللى فى التحرير وناس كتير نبقى الناس دى بقى تروح وتعمل مظاهرة الضد وتبقى مجزره

فعلا احنا شعب همجى وبنستخدم الحريه غلط

كل واحد مش عجبه حاجه يطلع يعمل مظاهره هيه كدا كدا خربت

الثوار هما اللى خاربين البلد ولما تتعمل وثيقة السلمى قبل الانتخابات باسبوعين والوثيقه دى اصلا بتتعدى على ارادة الشعب يبقى الثوار هما اللى عايزين البلد تخرب ولما الشرطه تفض اعتصام ل50 واحد من مصابين الثوره معتصمين سلميا بمنتهى الغباء والقسوه دول لو يهود كانوا فضوا الاعتصام بطريقه ارحم من كده وبعدين الاعتصام بقاله اسبوعين ليه انفض بالطريقه دى قبل الانتخابات باسبوع ولما الشرطه تضربهم بالرصاص الحى والقنابل اللى فيه غاز مسرطن علشان يعملوا استفذاذ للشعب يبقى الثوار هما اللى عايزين يبوظوا البلد ولما قبل الانتخابات باسبوعين برده تطلع حمله من بعض الناس تطالب ان المشير او اى حد من المجلس العسكرى يمسك الحكم يبقى الثوار هما اللى خاربوا البلد لما محاكمة رموز النظام السابق عماله تتاجل بدون اى سبب يبقى الثوار هما اللى خاربوا البلد الثوار اللى بعد اثوره كل الناس فضلت تمدح فيهم دلوقتى هما اللى خاربوا البلد وبعدين اللى شايف نفسه همجى يتكلم عن نفسه ميجمعش الشعب كله معه

اللى شايف نفسه همجى يتكلم عن نفسه ميجمعش الشعب كله معاه

"شكرا يا اسلام وسورى انى جمعت"

مش عارف انتى زعلتى ليه مع انك انتى اللى قولتى احنا فعلا شعب همجى احنا دى تشمل انا وانتى و الشعب المصرى كله انتى اللى قولتى كده مش انا اللى قولت وانا شايف نفسى مش همجى فقولتلك متجمعيش مش عارف ايه اللى يزعل فى حاجه زى كده

على فكرة يا اريج الكلام الى انتى بتقوليه دا يدل على انك مش متابعة الاحداث السياسية كويس
حضرتك بتقولى ان الى فالتحرير هما الى بيخربوا البلد انا عايز افهم كلامك دا على اساس ايه اصلا !!!!!

ثانيا انا عايز اعرف انتى مأيدة ان المجلس العسكرى يستمرفى قيادة البلد من الناحية السياسية والاقتصادية وتكون السلطة التشريعية والتنفذية والقضائية فى ايده على الرغم من فشله الواضح فى ادارة الشؤووون السياسية !!!!!!

ثالثا الاحوال الاقتصادية بتاعت البلد فى تراجع مستمر منذ تولى المجلس العسكرى الحكم ولم يجدوا حلول الى الان على الرغم من انهم ماسكين بقالهم 9 شهور !!!!!

حضرتك اتكلمتى على الانتخابات لما ثوار الميدان الى انتى معترضة عليهم نزلوا التحرير المجلس العسكرى راح منزل قانون العزل السياسى الى هيمنع بدرجة كبيرة دخول الفلول فى الانتخابات على الرغم من اننا طالبنا بيه من 9 شهور تقدرى تفسريلى ليه التأخير فى اتخاذ القرارات !!!!!!! مع العلم ان الانتخابات مستمرة والى فى الميدان هيروحوا ينتخبوا اصلا


خامسا بسكلتة الانتاج الى بيقولوا ان الثوار عطلوها دى مش هتخرب لما يضرب على الى فى التحرير عشرات اللاف من القنابل الفازية والمسيلة للدموع على الرغم من ان سعر القنبلة 50 دولار احسبيها وشوفيها هتكلف كام على الرغم من ان التحرير فيه اعتصامات سلمية .

سادسا قرار الجيش بوضع مواد فوق دستورية !!!!!!!

سابعا لماذا لا يوافق المجلس العسكرى على تشكيل حكومة انقاذ وطنى ويتيح لها كافة الصلاحيات لكى تدير الشؤوون السياسية والاقتصادية الى هو فشل فى ادارتهم ويرجع الى سكناته ويهتم بجماية البلاد ويماطل فى تسليم السلطة !!!!!! على الرغم من ان تم تطبيق هذه الفكرة الى هى حكومة الانقاذ الوطنى فى تونس ونجحت وعملوا البرلمان وحاليا بيعملوا الدستور .

ثامنا لما تبقى عقلية الشرطة زى ما هى وبيستخدموا اقذر الطرق مع الشعب من اطلاق الرصاص الحى والخرطوش على اعين المتظاهرين ومنطقة الصدر والراس واستخدام قنابل غاز تسبب السرطان والموت
امريكا محرماها دوليا دا كله والجيش ساكت .

تاسعا ليه التاخير فى حساب رموز الفساد فى النظام السابق

وما خفى كان اعظم دا كله ومش عايزة الناس تنزل !!!!!!!!!

الناس دى بتقول كلام زى الفل بس انا هعقم ع شويه حاجات كدا
اولا
عجبتنى حته
هوه من ناحية السجع حلو
الله عليكى يا اريج
وعجبنى كمان
يجيبوا حقى وحقك وحق الراجل الى كاتب التوبيك
طب وفين حقى ياض
وعجبتنى دى كمان
شعب همجى لذيذه اوى الكلمه دى
وعجبنى منك يا حماده كثره علامات التعجب حاجه كدا تفتح النفس
وانا مش هقول غير كلمه واحده
متجيب بوسه ياعم الحاج