المعاكسات ... للشباب و البنات

المعاكسات ... للشباب و البنات

.
.
.

اول حاجة ازيكم كلكم... انهارده هنتكلم عن موضوع شائك و ارجوا انه مايضايقش حد او يكون فيه الفاظ غير مقبوله .
اتمنى ان الموضوع والقضية دي تكبر بجد وتاخد حقها لأنها حاجة مهمة... مش هطول عليكم ندخل في الموضوع بقا....

مشكلة التحرش او المعاكسات اللي بتحصل في الشوارع من مضايقات للبنات و غيرها زادت بطريقة كبيره و مستفزه جدا في الفتره الاخيره ، لدرجة انها امتدت للأطفال كمان من باب تقليد الكبار ، و دي فعلا الكارثه ، اللي بتنذرنا بقدوم جيل كبير من المجرمين .

انهارده جايبلكم حلول سهله و في ايديكم كلكم ولاد و بنات .
علشان نحاول نتخلص من المشكله دى

نبدأ بالشباب

شوفو يا شبااااب
انا قصدي الولاد... انا او انت لو ماشيين في الشراع ومعاااك اختك امك اي حد بلاش اختك وامك علشان الكلمة دي اتكررت كتير وشكل الناس اتخنقوا منها خلينا نقووول زميلتك وواحد عاكسها او بنت يا سيدي معاك في الكليه وشفتها حد بيتصرف معاها تصرف مش طبيعي ، انت هترووووح تدافع عنها يا ترى علشان بتتمنظر قدامها ولا علشان هوا دة الطبيعي ؟؟؟ وانك كدا تستاهل يتقال عليك راجل وجدع وشهم ؟؟؟....
تاني حاجة نيجي بقا لو بنت انت ما تعرفهاش وشفتها بيحصل معاها كدا... طبعا انت ولا تعرف البنت دي ولا تعرف اللي بيعاكسها....

تعمل ايه ؟؟؟؟؟

1- ممكن انك تروووح تعمل نفسك تعرف البنت دي بأي طريقة بدون ما تجرحها وفي نفس الوقت تبين للولد اللي بيعاكسها انك تعرفها وبكدا هتكووون حليييت المشكلة بسهوووله اوي ملحووظة صغيرة اوي: يا ريت ما تروحش بقا تدافع وتقولها دا انا اسلام وعندي 19 سنة وايميلي و رقمي دة وياريت تتصلي بيا دا انا دافعت عنك دانا دانا و تقعد تدندن زي ( الشحروره صباح ) كل اللي اقصدة من الموضوع انك تروووح تعمل انك تعرف البنت دي بطريقة باي طريقة بس لثواااني وخلاص وولا كأنك عملت حاجة وتخلي البنت تمشي في حالها عادي زي ما كانت ماشية ولو صدف وشفت البنت تاني يا ريت ولا كأنك تعرفها مش تروووح وتقولها دا انا اسلام اللي عملت معاكي كدا فاكرة ، لألأ كدا انت هتكووون آزيتها وتطفلت عليها اكتر من اللي كان بيعاكسها .

2- ممكن تروح تتكلم مع الولد بطريقة حلوة يعني يا عم ما تسيبها في حالها دي شكلها محترمة او تقوله مثلا ايه دة بص دي نانسي عجرم في الشارع اللي ورانا : اي حاجة بس تكووون بطريقة حلوة وهزااار مش انك تروووح وتقووولة انت يلا ملكش دعوة بالبنت دي لأنه في الوقت دة هيقولك وانت مالك وهتحصل مشكلة كبيرة .

===== ==== ==== ==== ====
===== ===== ==== ====

نيجي بقا لموضوع انك لو حصل او غصب عنك وحصلت مشكلة

1- حاول بككل الطرق انه لو شتمك او قالك وانت مالك او انت ايه دخلك او اي كلمة تانية ودي ممكن تكون كلمات سهلة لأنو في كلمات تانية ممكن تكون اصعب .. حاول انك تمسك اعصابك لأن لو كل المواضيع اتحلت بالمشاكل يبقى ما فيش اي حاجة هتتحل ف لازم في الوقت دة تكووون بارد اوي و ممكن ترد باي رد طيب ماشي اها دي زي اختي اي حاجة بس بطريقة ظريفة وباردة .

2- بعد كدا ممكن تحاول تفههمة وتقنعة بس مش بطريقة تبينلة بيها انك احسن منة او انك استاااذ وهوا ولا حاجة لأ بالعكس دا انا كنت علطوول بعمل كدا بس سمعت من واحد عن كذا مثلا او تقوله عارف احنا مش هنستفيد حاجة في الاخر لأنها كدا كدا ( البنت) مش هتكلمك في الاخر ف ايه الاستفاااادة من كل الموضوع المهم كل واحد وطريقة اقنااااعة .

3- لو بقااا ما فيش فايدة وحصل واتخااانقتوا هنا بقا انا مش هوصييييك اضرب زي ما انت عاوز وفي الحالة دي لو حصلت مشكلة كبيرة او دة اكيد هتحصل مشكلة كبيرة ان شاء الله هتلاقي الف واحد في الشارع يقف معاااك وياخد برأيك وحاول تاخد تعاطف الناس الكبار لأنهم حاسين باللي بيحصل في بناتههم وبكدا هيكون الولد دة اتعلم الادب الى حد ما وانت لقيت ناس تانية تقف معاك من اللي في الشارع يعني ان شاء الله مش هتكون لوحدك
============================================
============================================
============================================
ده بالنسبه للشباب ، اما الجزء المظلوم فعلا في المشكله دي و هم طبعا البنات ( مفيش غيرهم مش محتاجه فكاكه يعني )

ركزوا معايا يا بنات شوية

إذا كانت فكرة رياضة الدفاع عن النفس لا تستهويكِي رغم أهميتها ، فلا تترددي في استعمال ذكائك الأنثوي للدفاع عن نفسك .

* تحلي بالتركيز: إياكِ والهلع والرعب إذا صادفك مغتصب أو متحرش فالثبات هو الأمثل حتى لا يتأكد من ضعفك ، فكري في جزء من الثانية في الأسلوب الذي سيخرجك من مأزققك ، ربما يكون كعب حذائك العالي هو الحل ، أو دبوس حجابك .

* الجري سيد الشجاعة ، قوتك الجسمانية مهما بلغت لن تتساوى مع الرجل ، لذا طبقي مبدأ
"الجري سيد الشجاعة " لكن فكري أولا في الملاذ ، ويفضل أن يكون أقرب قسم شرطة أو أقرب تجمع من الناس .

* اطلقي لصوتك العنان : صراخ الأنثى مرتبط في مجتمعاتنا الشرقية بالكوارث والمصائب ، و قد وهب الله المرأه صوت حاد و عالي ، وهنا يجدر بك اللعب على هذا الوتر ، واطلقي لصوتك العنان إذا بدأ المتحرش أو المغتصب من الاقتراب منك .

* الكعب العالي: إذا كنتِ لا تجيدين فن تسديد اللكمات لا تترددي في الاعتماد على كعب حذائك العالي في ضرب المتحرش على أم رأسه بمنتهى القوة .

* البخاخ المضاد: لا تتخلي عن بخاخ الفلفل أو الشطة في حقيبتك ، فرشة واحدة منه كفيلة بردع
أي هجوم مضاد.

*الأظافر: إهتمي بسلامة أظافرك وقوتها فهي وسيلة دفاعك الوحيدة في بعض الأحيان وعليك بالتسديد مباشرة نحو عينيه .

*الشك بالدبوس: أما دبوس الحجاب فيأتي دوره إن لم يتوفر إليك أي من الأسلحة اغرسيه بقوة في أقرب مكان وهو حل مثالي للأيادي المتحرشة في الزحامِ .

__________________________________________________ ________________________

في نهاية الموضوع ارجو انه يكون حلا او مشاركه ولو بسيطه في انهاء تلك المأساه .
و ارجو الا اكون قد جرحت حياء احد بكلمه خارجه او تعبير شائك .

و شكرا

توبيك رائع يااحمد والله
تسلم ايدك
وتسلملنا افكارك
المعاكسات ... للشباب و البنات 71983

لا بجد شوية حلول تحفه مجهود جبار بصراحه تسلم ايديك وافكارك

توبيك هايل يااحمد

ياريت اللى يقراه يعمل بيه بقى

تسلم ايدك

رااااااااااااائع يا أحمد
ياريت نحاول نعمل بيه

تسلم ايديك

سندريلا كتب:: توبيك رائع يااحمد والله
تسلم ايدك
وتسلملنا افكارك

شكرا يا سندرلا ع مرورك

amola كتب:: لا بجد شوية حلول تحفه مجهود جبار بصراحه تسلم ايديك وافكارك

ربنا يخليكى شكرا ع مرورك

tena كتب:: توبيك هايل يااحمد

ياريت اللى يقراه يعمل بيه بقى

تسلم ايدك

اتمنى ذلك شكرا تينا مرورك

أريج الياسمين كتب:: رااااااااااااائع يا أحمد
ياريت نحاول نعمل بيه

تسلم ايديك

يريت
نورتى التوبيك اريج بمرورك الكريم

هههههههههههههه
ايه يا حماده
انت بتقويهم علينا هما ناقصيين
انت مشفتش موضوع نوتى
بتاع وحشيه الزوجه المصريه
هيبقوا بيضربونا وهما بنات وكمان وهما متجوزين
يا عم حرام عليك

وبعدين يقال ان الست بتبقى ف اسعد لحظات حياتها وهى بتتعاكس